संस्कृत-गीत (Sanskrit Song) नैव क्लिष्टा न च कठिना-

संस्कृत-गीत (Sanskrit Song) नैव क्लिष्टा न च कठिना-

1. सुरस सुबोधा विश्वमनोज्ञा, ललिता हृद्या रमणीया ।
   अमृतवाणी संस्कृतभाषा, नैव क्लिष्टा न च कठिना ।।
2. कविकुलगुरू वाल्मीकि विरचिता, रामायण रमणीय कथा ।
   अतीव सरला मधुर मंजुला, नैव क्ल्ष्टिा न च कठिना ।।
3. व्यास विरचिता गणेश लिखिता, महाभारत पुण्य कथा ।
   कौरव पाण्डव संगर मथिता, नैव क्लिष्टा न च कठिना ।।
4. कुरूक्षेत्र समरांगणगीता, विश्ववंदिता भगवद्गीता ।
   अतीव मधुरा कर्मदीपिका, नैव क्लिष्टा न च कठिना ।।
5. कवि कुलगुरू नव रसोन्मेषजा, ऋतु रघु कुमार कविता ।
   विक्रम शाकुन्तल मालविका, नैव क्लिष्टा न च कठिना ।।

'' गेय संस्कृतम् '' पुस्तकात् साभार ग्रहीतः

----------------------------